Ózbekstan Respublikası Ministrler Kabinetiniń 2019-jıl 30-iyuldaǵı
636-sanlı qararına muwapıq Avtomobil transportında jolawshılardı qalada, qala átirapında, qalalararalıq, xalıqaralıq, sonday-aq, júklerdi xalıqaralıq jónelisler boyınsha tasıw jumısın licenziyalaw boyınsha mámleketlik xızmetler kórsetiwdiń hákimshilik reglamenti tastıyıqlanǵan.

Usı Reglament avtomobil transportında jolawshılardı hám júklerdi qalada, qala átirapında, qalalararalıq hám xalıqaralıq jónelislerde tasıw jumısın licenziyalaw boyınsha mámleketlik xızmetler kórsetiw tártibin belgileydi.

1. Usı Reglamentte tómendegi túsiniklerden paydalanıladı:
   licenziya beti - licenziya talapları hám shártlerine májbúriy túrde ámel etken halda jolawshılar hám júklerdi tasıwda paydalanılatuǵın hár bir avtotransport quralına licenziyalanatuǵın jumıs túrin ámelge asırıw ushın beriletuǵın ruxsatnama (licenziya);

   kommerciyalıq tiykarda jolawshılardı hám júklerdi tasıw - kommerciyalıq tiykarda, yaǵnıy isbilermenlik jumısın ámelge asırıw jolı menen avtotransport qurallarında jolawshılardı hám júklerdi tasıw xızmetin kórsetiw nátiyjesinde dáramat alıw.

2. Kommerciyalıq tiykarda ámelge asırılatuǵın jolawshılardı hám júklerdi qalada, qala átirapında, qalalararalıq hám xalıqaralıq jónelisler boyınsha tasıw jumısı licenziyalanadı.Jolawshılardı kommerciyalıq tiykarda qalada, qala átirapında, qalalararalıq hám xalıqaralıq jónelisler boyınsha tasıw jumısı yuridikalıq shaxslar tárepinen ámelge asırıladı.
3. Xalıqtıń ómiri hám densawlıǵın qáwipke qoyǵan tábiyǵıy apachılıqlar, epidemiyalar, iri avariyalar aqıbetlerin saplastırıw hám Húkimettiń qararları boyınsha avariya-qutqarıw hám tiklew jumıslarınıń ámelge asırılıwı hám múriwbet júkleriniń jetkerip beriliwi talap etiliwi menen baylanıslı tasıwlardı ámelge asırıwǵa, elektron kommerciya arqalı realizaciya etilgen tovarlardı satıwshıǵa hám jetkerip beriwshige jeke menshik múlk, ijara hám basqa da paydalanıw huqıqı tiykarında tiyisli bolǵan avtomobil transportında Ózbekstan aymaǵı boylap jetkerip beriwge, aeroporttan, temir jol vokzalları hám avtostanciyalardan miymanxanaǵa hám onnan qaytıwǵa, óz mútájlikleri ushın júklerdi texnologiyalıq tasıw ushın, sonday-aq, turizm obektlerine óziniń ijarashılarına transport xızmetin kórsetiw ushın hámde "Jumıstıń ayırım túrlerin licenziyalaw haqqında"ǵı Ózbekstan Respublikası Nızamınıń 9-statyasında názerde tutılǵan shólkemlerge licenziya alıw talap etilmeydi, nızam hújjetlerinde belgilengen jaǵdaylar buǵan kirmeydi.
4. Licenziya beriw, sonday-aq, nızam hújjetlerinde belgilengen jaǵdaylarda licenziyanıń ámel etiwin toqtatıp turıw yamasa toqtatıp turıw, sonday-aq, onı biykarlaw hám qayta rásmiylestiriw Ózbekstan Respublikası Transport ministrligi, Qaraqalpaqstan Respublikası Transport ministrligi, wálayatlar hám Tashkent qalası transport basqarmaları (keyingi orınlarda licenziyalawshi uyımlar dep ataladı) tárepinen tiyisli qararlar qabıl etiw jolı menen ámelge asırıladı.

Bunda:
Ózbekstan Respublikası Transport ministrligi (keyingi orınlarda - Ministrlik) tárepinen - jolawshılardı hám júklerdi xalıqaralıq tasıwlar boyınsha licenziyalar beriw, licenziyalardıń ámel etiwin toqtatıp turıw yamasa toqtatıw, sonday-aq, olardı biykarlaw hám qayta rásmiylestiriw ámelge asırıladı;

Qaraqalpaqstan Respublikası Transport ministrligi, wálayatlar hám Tashkent qalalıq transport basqarmaları (keyingi orınlarda Ministrliktiń aymaqlıq basqarmaları dep ataladı) tárepinen - jolawshılardı hám júklerdi qalalıq, qala átirapındaǵı, qalalararalıq tasıwlar boyınsha licenziyalar beriw, licenziyalardıń ámel etiwin toqtatıp turıw yamasa toqtatıw, sonday-aq, olardı biykarlaw hám qayta rásmiylestiriw ámelge asırıladı.

5. Ministrlikke licenziyalawshı uyımlardıń jumısın muwapıqlastırıw, licenziyalaw tártibin jetilistiriw boyınsha usınıslar tayarlaw, Ózbekstan Respublikası aymaǵındaǵı licenziyalardıń jıyındı reestrin júrgiziw, licenziyalawshı uyımlar tárepinen avtomobil transportında jolawshılardı hám júklerdi tasıw jumısın licenziyalaw tarawındaǵı nızam hújjetlerine ámel etiliwin qadaǵalaw wazıypaları júklenedi.

Avtomobil transportında jolawshılardı hám júklerdi qalada, qala átirapında, qalalar aralıq hám xalıq aralıq jónelisler boyınsha tasıw huqıqı ushın usı Reglamentke
1-qosımshaǵa muwapıq úlgi (ápiwayı) licenziyalar beriledi.

6. Arza beriwshiniń sorawına bola licenziya tómendegi jumıs túrleri ushın beriledi:
7. a) jolawshılardı qalada avtobuslarda tasıw;
8. b) jolawshılardı qalada mikroavtobuslarda tasıw;
9. v) jolawshılardı qalada jenil avtomobillerde tasıw;
10. g) jolawshılardı qala átirapında avtobuslarda tasıw;
11. d) jolawshılardı qala átirapında mikroavtobuslarda tasıw;
12. e) jolawshılardı qala átirapında jeńil avtomobillerde tasıw;
13. j) jolawshılardı qalalar aralıq avtobuslarda tasıw;
14. z) jolawshılardı qalalar aralıq mikroavtobuslarda tasıw;
15. i) jolawshılardı qalalar aralıq jeńil avtomobillerde tasıw;
16. j) jolawshılardı xalıqaralıq avtobuslarda tasıw;
17. k) jolawshılardı xalıqaralıq mikroavtobuslarda tasıw;
18. l) jolawshılardı xalıqaralıq jeńil avtomobillerde tasıw;
19. m) júklerdi avtomobil transportında qalada hám qala átirapında tasıw;
20. n) júklerdi avtomobil transportında qalalar aralıq tasıw;
21. o) júklerdi avtomobil transportında xalıq aralıq tasıw.

Ózbekstan Respublikasında dizimnen ótkerilgen júk avtomobili yamasa tartqısh avtomobil hám sırt mámleket aymaǵında dizimnen ótkerilgen tirkeme yamasa yarım tirkemeden ibarat transport quralları quramınan paydalanǵan halda ámelge asırılatuǵın xalıqaralıq tasıwda júk avtomobili yamasa tartqısh avtomobilge alınǵan licenziya beti transport qurallarınıń pútkil quramına ámel etedi.

22. Licenziat licenziyalawshı uyımǵa múrájat etkende bir arza menen usı licenziyalawshı uyım tárepinen beriletuǵın licenziya túrleriniń bir neshe bólegin alıw huqıqına iye.

Xalıqaralıq jónelisler boyınsha júk tasıwdı ámelge asırıw huqıqın beretuǵın licenziya betine ie bolǵan avtomobilde milliy júk tasıwshılar oǵan muwapıq qalalar aralıq jónelislerde júk tasıwdı ámelge asırıw huqıqına da ie.
Júklerdi avtomobil transportında tasıwda paydalanılatuǵın súyrewshi avtomobillerge licenziya qaǵazların beriw ushın mámleketlik bajı tólew talap etilmeydi.

Qalalararalıq jónelisler boyınsha jolawshılardı avtobuslarda yamasa mikroavtobuslarda tasıw huqıqın beretuǵın licenziya qaǵazına ie bolǵan avtotransport qurallarınan jergilikli hám sırt el puqaraların qalada hám qala átirapındaǵı turistlik-ekskurciyalıq jónelislerde (turaqlı bolmaǵan jónelislerde) jolawshı tasıwdı ámelge asırıw ushın qosımsha licenziya qaǵazın alıw talap etilmeydi.

23. Licenziyanıń ámel etiw múddeti sheklenbegen.

24. Licenziya tiykarında hár bir avtotransport quralına usı Reglamentke 2-qosımshaǵa muwapıq licenziya beti beriledi.

Licenziya qaǵazınıń ámel etiw múddeti zatlı huqıqlar yamasa ijara shártnamasınıń ámel etiw múddeti menen sheklenedi. Licenziya qaǵazınıń ámel etiwi licenziya qaǵazı berilgen kúnnen baslap esaplanadı.

Licenziya qaǵazları menen támiyinlenbegen avtomobil transportı quralınan paydalanǵan halda kommerciyalıq tiykarda jolawshılardı hám júklerdi tasıwǵa jol qoyılmaydı. Bul jaǵdaylar boyınsha nızam hújjetlerinde názerde tutılǵan huqıqıy tásir ilajları qollanıladı.

25. Tómendegiler:

• arza beriwshiniń sorawına bola licenziyalawshı uyımnıń qararına bola - jumıs túrine licenziya;
• arza beriwshiniń sorawına bola avtotransport qurallarınıń háreketleniwshi quramına jumıs túrine berilgen licenziya tiykarında - licenziya betleri;
• usı Reglamenttiń 32-bántinde názerde tutılǵan jaǵdaylarda qayta rásmiylestirilgen arza beriwshiniń sorawnamasına bola - licenziya/licenziya betleri;
• avtotransport quralınıń mámleketlik nomer belgisi ózgergende, avtotransport quralınıń júk kóteriw yamasa jolawshı sıyımlıǵı kóbeygende (kemeygende), bir avtotransport quralı usı túrdegi basqa avtotransport quralına almastırılǵanda usı avtotransport quralındaǵı bar licenziya betleri tiykarında arza beriwshiniń licenziya betlerin qayta rásmiylestiriw boyınsha arzasına bola - qayta rásmiylestirilgen licenziya betleri beriledi.

Usı bántte belgilengen hár bir jaǵdayda arza beriwshi (yamasa licenziat) avtotransport quralları bar bolǵan jaǵdayda, olardıń múlk huqıqı, zatlıq huqıqlar yamasa ijara tiykarında tiyisliligi haqqındaǵı maǵlıwmatlar menen birge avtotransport qurallarınıń dizimin sorawnamada kórsetedi.