"Jámiyetti siyasiy, sociallıq hám ekonomikalıq modernizaciyalaw boyınsha keń kólemli ilajlarımız nátiyjesinde jańa Ózbekstan qáliplespekte"

Prezident Shavkat Mirziyoev:

"Jámiyetti siyasiy, sociallıq hám ekonomikalıq modernizaciyalaw boyınsha keń kólemli ilajlarımız nátiyjesinde jańa Ózbekstan qáliplespekte. Búgingi kúnde mámleketimizdegi demokratiyalıq ózgerisler artqa qaytpaytuǵın tús aldı.

Ótken jılı Parlamentke ótkerilgen saylawlar xalıq hám partiyalardıń siyasiy belsendiligi, puqaralıq jámieti institutlarınıń roli, ǵalaba xabar qurallarınıń tásiri artqanın kórsetti.

Biz ushın gender teńlik siyasatı tiykarǵı máselege aylandı. Hayal-qızlardıń mámleketlik basqarıwdaǵı ornı barǵan sayın kúsheymekte. Jańa Parlamentimizde hayal deputatlardıń sanı eki esege kóbeydi.

Insan huqıqları tarawındaǵı jaǵday da pútkilley ózgerdi. Májbúriy hám balalar miyneti tolıq saplastırıldı. Insan huqıqları boyınsha Milliy strategiya qabıl etildi.

Birlesken Milletler Shólkeminiń puqaralıǵı bolmaǵan insanlardıń sanın azaytıwǵa qaratılǵan shaqırıǵına juwap retinde usı jıldıń ózinde 50 mıń watanlasımızǵa Ózbekstan puqaralıǵı berildi. Mámleketimizde diniy erkinlik baǵdarında da jaǵday keskin jaqsılandı. Milletleraralıq tatıwlıq hám dinleraralıq keńpeyillikti jáne de bekkemlew biz ushın turaqlı áhmietli wazıypa bolıp esaplanadı."