Transport ministrliginiń rásmiy veb-saytlarına tómendegi maǵlıwmatlar jaylastırıladı:

1.Transport ministrliginiń huqiqiy statusın belgilewshi normativ-huqiqiy hújjetler;
2.Transport ministrliginiń jumısına baylanıslı normativlik-huqıqıy hújjetler, sonday-aq, olardıń orınlanıwı haqqındaǵı maǵlıwmatlar;
3.Transport ministrligi tárepinen qabıl etilgen normativlik-huqıqıy, normativlik hám basqa da hújjetlerge ózgerisler hám qosımshalar kirgiziw, sonday-aq, usı hújjetlerdi óz kúshin joyıtqan dep tabıw haqqındaǵı maǵlıwmatlar;
4.Transport ministrligi tárepinen islep shıǵılıp atırǵan normativlik-huqıqıy hám basqa da hújjetlerdiń joybarları haqqındaǵı maǵlıwmatlar;
5.Transport ministrligi tárepinen mámleketlik baǵdarlamalar hám basqa da baǵdarlamalardıń ámelge asırılıwı haqqındaǵı maǵlıwmatlar;
6.Transport ministrligi tárepinen ótkeriletuǵın ǵalabalıq ilajlar (májilisler, keńesler, ushırasıwlar, baspasóz konferenciyaları, brifingler, seminarlar, dógerek sáwbetleri hám basqalar) haqqındaǵı maǵlıwmatlar;
7.Transport ministrliginiń mámleketlik hákimiyat hám basqarıwdıń basqa da uyımları, fizikalıq hám yuridikalıq shaxslar, sonday-aq, sırt el hám xalıqaralıq shólkemler menen birge islesiwi haqqındaǵı maǵlıwmatlar;
8.Transport ministrligi ámelge asırılıwında qatnasıp atırǵan Ózbekstan Respublikasınıń xalıqaralıq shártnamaları haqqındaǵı maǵlıwmatlar;
9.Transport ministrliginiń jumıs tarawına tiyisli bolǵan tarmaqtıń (aymaqtıń) jaǵdayın hám onıń rawajlanıw pátin xarakterlewshi tiykarǵı kórsetkishler haqqındaǵı, sonıń ishinde, sociallıq-ekonomikalıq rawajlanıw kórsetkishleri haqqındaǵı maǵlıwmatlar;
10.Transport ministrligi tárepinen ótkeriletuǵın (shólkemlestiriletuǵın) ashıq tańlawlar (tenderler) hám aukcion sawdaları haqqındaǵı maǵlıwmatlar;
11.Bos jumıs orınları, jumısqa qabıl etiw shártleri hám bos jumıs orınların ielew ushın talabanlarǵa qoyılatuǵın talaplar haqqındaǵı maǵlıwmatlar;
12.Transport ministrligi tárepinen dúzilgen muwapıqlastırıwshı hám másláhát uyımları haqqındaǵı maǵlıwmatlar;
13.Transport ministrliginiń ashıq kollegiya májilislerin ótkeriw rejeleri, sonıń ishinde, májilislerdiń kún tártibi joybarları, olardı ótkeriw sánesi, ornı hám waqtı, májilislerde qatnasıw tártibi;
14. Transport ministrliginiń basshıları haqqında maǵlıwmatnama túrindegi maǵlıwmat (puqaralardı qabıllaw kúnleri hám basqalar);
15.Transport ministrliginiń jumıs tártibi haqqındaǵı maǵlıwmatlar, olardıń telefon nomerleri hám pochta mánzilleri, elektron pochta mánzilleri, maǵlıwmat xızmeti hám isenim telefonlarınıń nomerleri, jámietlik transporttıń qatnaw jolları, toqtaw orınlarınıń atamaları hám jónelis nomerleri;
16.Transport ministrliginiń basshıları, sonday-aq, usı organlar tárepinen wákillik berilgen lawazımlı shaxslardıń shıǵıp sóylewleriniń hám bayanatlarınıń tekstleri;
17. Transport ministrligi janında ǵalaba xabar quralları wákillerin akkreditaciyalaw tártibi haqqındaǵı málimleme;
18. Transport ministrligi tárepinen kórsetiletuǵın mámleketlik xızmetlerdiń dizimi;
19. Transport ministrliginiń jumısı haqqındaǵı analitikalıq bayanatlar hám málimleme túrindegi sholıwlar;
20. Arza, usınıs hám shaǵımlardı qabıl etiw tártibi haqqında málimleme;
21. Transport ministrliginiń jumısı haqqında málimleme alıwǵa baylanıslı sorawlardı qabıl etiw tártibi haqqındaǵı málimleme;
22. Kelip túsken arza, usınıs hám shaǵımlardı, sonday-aq, mámleketlik hákimiyat hám basqarıw uyımlarınıń jumısı haqqında málimleme alıwǵa baylanıslı sorawlardı kórip shıǵıwdıń ulıwma nátiyjeleri haqqındaǵı málimleme.
23.Transport ministrliginiń jumısı haqqındaǵı málimleme qatarına nızam hújjetlerine muwapıq basqa da maǵlıwmatlar kirgiziliwi múmkin.